Lexime historike / Studime

Padigliones nuk i intereson shumë ana monumentale e Gjergj Kastriotit. Ai ka për qëllim ta paraqesë heroin si nyja e një familjeje të madhe, patriotike, së cilës, ndër të tjera, i detyrojmë edhe simbolin kombëtar të shqiponjës dykrerëshe. Një prej vlerave më të rëndësishme të veprës së Padiliones, përveç pasurimit të burimeve të albanologjisë, është pohimi i fuqisë dhe energjisë së Kastriotëve për t’u integruar në botë me fytyrën shembullore të Rilindjes Europiane dhe të zhvillimeve qytetëruese që e pasuan atë.

Autorja ruse, Nina Smirnova, ka paraqitur qartazi historinë e Shqipërisë, përmes dëshmive të panjohura më parë, nga arkivat perëndimore dhe ruse në veçanti, si dhe ka shprehur interpretime të reja mbi personalitetet, personazhet, faktet dhe realitetet e shekullit më të trazuar në historinë e shqiptarëve. Në bazë të këtij libri qëndrojnë kapituj me material unikale që shpjegojnë kthesat me aq pasoja për historinë tonë të bërë nga shqiptarët po aq sa dhe nga të huajt e afërt dhe të largët...

Ky është libri i parë ku bëhen përpjekje për të sistemuar historinë kronologjike dhe analitike të CIA-s, rolin e saj në ngjarjet më të mëdha që formatuan struktura shoqërore në të gjithë kontinentet, si dhe domosdoshmërinë e krijimit të Shërbimeve Inteligjente.

... Europa ka nevojë për një balancë të re - balancën e interesave, jo për balancën e forcës. Në këtë kontekst, parimi i vetëvendosjes së popujve nuk duhet të rrezikohet dhe nuk mund të veçohet nga proceset integruese europiane dhe nga ruajtja e balancës dhe e stabilitetit të Europës...

Pas tetë javësh të tmerrshme në të cilat ushtritë dhe makinat e luftës u përballën në një duel përmasash të mëdha, më 29 maj 1453 u shemb perandoria romake e lindjes dhe lindi ajo otomane. Steven Runciman mbetet njëri prej studiuesve më të shquar të historisë së mesjetës. Veprat e tij mbi historinë e kryqëzatave janë edhe sot e gjithë ditën pika referimi të pakapërcyeshme dhe modele të popullarizimit të arritjeve shkencore.

Durazzo-t, dozhët e purpurt të Republikës së vjetër të Gjenovës, janë padyshim një nga familjet më të shquara të diasporës shqiptare, familje e cila ka nxjerrë nga gjiri i saj 9 dozhë, 2 kardinalë, 30 senatorë, 16 ambasadorë dhe personalitete të tjera të shkencës, filozofisë, fesë dhe kulturës e artit. Një aventurë e jashtëzakonshme e kësaj familje durrsake, e cila për t’u shpëtuar dyndjeve otomane mori udhët e detit për në drejtim të “Felix Italia”. Rrugës, piratët i bëjnë skllevër, por me të mbërritur në Gjenova ata e fitojnë përsëri lirinë. Në sajë të inteligjencës, kurajës dhe vullnetit, ata do të bëhen shumë shpejt të njohur në historinë e Gjenovës dhe të Evropës. Një libër me ngjarje ku gërshetohen personazhe të njohura të botës së artit nga Rubens e Van Dyck, Mozart, Gluck e deri te Napoleoni dhe perandori Joseph i II-të i Perandorisë austro-hungareze.

Në këtë vepër lexuesi do të gjejë të sistemuar në mënyrë kronologjike dhe disiplinare teoritë më të rëndësishme të politikës, ato që ndryshuan rrjedhën e ngjarjeve, emrat e sundimtarëve, format e qeverisjeve, kufijtë e shteteve dhe besimeve, dhe, që tek e fundit, bën, të ndryshojë edhe njeriun si banor i hapësirës dhe kohës.